МЕЃУ СОНОТ И ЈАВЕТО

Воопшто не сум запознаен со хендикепот на детето на Ребека, но сметам дека децата со хендикеп не смеат да се пуштаат во градинка, ниту во училиште, без да има обезбедено во таквите установи стручно лице кое би работело со децата со посебни потреби, а одделно и со оние кои немаат хендикеп за да им се објаснат и посочат на децата разликите меѓу нив. Едноставно, тие деца не се (и не можат да бидат) исти со оние кои се без хендикеп, а дечињата на таа возраст се неспособни самите да ги сфатат разликите (психичките, или физичките, сеедно) и често знаат да бидат екстремно сурови, заради завист и љубомора кон подобрите од нив деца, но особено кон оние кои се далеку послаби и потешко ги осознаваат работите ― кон сите кои се поразлични од нив. Секако, тоа не е ништо поразлично од однесувањето на возрасните, но децата го прават тоа искрено и често без никакво размислување, инстиктивно.

ШТО ЌЕ ИМ ОСТАВИМЕ?

Што ќе им оставиме на нашите деца? Што ќе оставиме во наследство за идните генерации? Секојдневно слушаме и читаме за грабежи на банки, силувања, тепачки, убиства... Што е тоа што се случува во оваа земја? Дали е на повидок анархија, состојба во која законите важат за едните, но за другите (поеднаквите од еднаквите) никако? Како поинаку да се протолкува кога, покрај постојаниот евидентен криминал, ќе слушнете од власта, дека нема потреба од загриженост, или, пак, за превземање дополнителни акции и мерки за спречување на криминалот? Станува ли Македонија земја од минатото, налик на истата од ’20-тите години од минатиот век? Земја, во која владеел теророт, спроведуван од терористичката ВМРО и разните качаци!

МАКЕДОНСКИ РУЛЕТ

Минувам деновиве крај „Воинот“ и, покрај вртоглавицата што ми ја предизвикува лошо урамнотежената композиција и бедната статика на „Коњот под воинот кој се придржува на опашот-кој-е-најголемиот-во-свет“, наеднаш, одекнува музика: Штраус и едно кратко „ккврррр…“ помеѓу!

ЕВРОЛАКРДИЈА, ЦЕНЗУРА, ИЛИ АВТОЦЕНЗУРА

Деновиве актуелен е извештајот на Европската Комисија за ПЈРМ. Власта се обидува да ги минимизира наводите од извештајот, обвинувајќи ги оние од ЕУ дека извештајот го составиле со цел да му наштетат на македонскиот народ, притоа заборавајќи дека Македонија е држава на сите нејзини граѓани, а не на одредени привилегирани народи. Еден текст во „Дневник“, напишан од нивниот уредник Зоран Димитровски, насловен како „Евролакрдија“ го предизвика моето внимание, заради обидот целата вина за извештајот да ја фрли врз неколкумина новинари кои се обидоа јавно да проговорат за медиумскиот мрак кој владее во Македонија. Се обидов да одговорам на ваквото префрлање на одговорноста за извештајот, но моите коментари под „Ајван Доктор®“ беа цензурирани од страна на администраторот, потврдувајќи ги тврдењата од Извештајот. Ја користам можноста коментарите да ги објавам во мојот блог:

ГРАЃАНИ ОД ПОСЛЕДНИОТ РЕД

„Секој има право на работа, слободен избор на вработување, заштита при работењето и материјална обезбеденост за време на привремена невработеност. Секому, под еднакви услови, му е достапно секое работно место. Секој вработен има право на соодветна заработувачка. Секој вработен има право на платен дневен, неделен и годишен одмор. Од овие права вработените не можат да се откажат.“ (Член 32 од Уставот на Република Македонија)

Колку убаво звучат овие ставови од највисокиот правен акт, кој ги уредува правата, слободите и должностите на граѓаните, нивниот однос кон државата, но и односот на државата кон нив.

НАЈСВЕТЛИОТ СПОМЕНИК НА „ПРЕРОДБАТА“

Кулминираше национал-социјалистичката еуфорија! Вистински делириум тременс! Лет во место, со сите наши три хеликоптери и со нашите два авиони, на чија опашка гордо се вееше македонското знаме… Катарза на аменцијата!

Војници маршираа како победници во војната против Авганистан и Ирак. Велат, биле во мировна мисија.

ЗАБОРАВЕН

Деновиве, еден апологет на власта (ја брани секоја власт досега, во континуитет) објави колумна по повод смртта на Лазар Мојсов, чудејќи се на фактот што некој се обидува да го претстави како врвен политичар и дипломат. Воопшто и не ме зачуди таквиот текст, особено кога се знае дека неговиот автор ќе остане запаметен како најголемиот конвертит на политичката сцена, кој секогаш знаел да ја одбере „вистинската страна“, онаа на „победникот“ ― на власта.

РАМКОВНАТА МИРКА

Едно нешто ми е сомнително во целото писание на авторов „патриот“, а тоа е контрадикторноста со поимот Славомакедонци, поим, под кој нашето малцинство е официјално признаено и воопшто нема проблеми да се изјаснува како такво во Грција. Кога некои наши сограѓани посочуваа дека Славомакедонија би било реално решение во спорот околу името со Грција, како идеална и оптимална опција за сочувување на идентитетот на македонската нација, беше одговарано дека, ете, албанскиот политички фактор (читај: А.Ахмети & Ко.) се противел на ваквиот поим.

АЛЕКСАНДАР - ГОЛЕМИОТ КОМПЛЕКС НА СИТНИТЕ ДУШИ

Великолепниот кичерај во вид на ликовно недело пристигна на плоштадот во Скопје! Неговата коњска грива неизбежно потсетува на онаа на Тројанскиот коњ. Можеби намената на овој кичерај е слична!?

СКАЗНА ЗА МАЛИОТ КАЛИФ СО ГОЛЕМИ КОМПЛЕКСИ

Сега ми е веќе појасна приказната за комплексите на едно детенце со „многу мачен“живот.

Сказната, започнува вака…

Си било еднаш едно детенце, чија мајка купила стан во близина на седиштето на една партија во близина на населбата Недојдија. Може слободно да ја наречеме и Пустелија, само, ако сакате да ја здогледате. Бидејќи се наоѓала во Калифатот на Земјата на чудата, таа со својата скромна плата и „тешка и мно0огу наапорна работа“ (а работела кутрата 24/7) успеала да си купи уште 5-6 станови, уште само неколку куќички и неки мали фирмички (во странство), кои и’ ги поклонил самиот Господ, но тој и’ посочил дека таа мора и натаму да живее скромно со своето мало синче.

МААЛОТО НА МРАЧНО-РОЗЕВИТЕ ОЧИЛА

Веднаш да ве разочарам, уште на почетокот. Ова не е приказна за некое од старите скопски маала. Ова е сказна за едно поново маало градено со посебна потреба во социјализмот. Изградено некаде во шеесетите години и населено од луѓе кои немаа свои станови и кои кој знае дали некогаш пред тоа и ги имале.

ПРИМЕНЕТА ЛУСТРАЦИЈА!

Намeрата е очигледна! Да се откријат нови наводни соработници на УДБ-а,  но секогаш во туѓиот табор, единствено во опозиционите редови со единствена цел пренасочување на јавноста кон туѓиот табор, стигматизирајќи го како виновник за сите зла во земјава!

СУВЕНИР НА ПРЕРОДБАТА!

АЈМО,СУВЕНИРИ!!!ЕВЕ,ТАПАААаА...!!!
ДЕТАЛЕН ПРЕГЛЕД НА „ПРЕРОДБАТА“!

Ајмо,ТапаааАа...!!

ПОСРЕДНИЦИ СО ПОСЕБНИ ОВЛАСТУВАЊА

Како ли ќе се воздигнеме со новинарчиња кои цел живот се подобни? Како ли ќе одиме угоре, кога вечно се воспева владетелот? Како ли ќе го согледаме црното во своите редови, кога постојано гледаме што има во туѓиот двор, а во сопствениот — кал и ѓубре до гушата и воопшто не ги ни приметуваме!?

МУЗЕЈ НА ЖРТВИТЕ НА ПРИМИТИВИЗМОТ

Очигледно, треба да изградиме „Музеј на жртвите на јавашлукот“, или на Молкот! Не е чудо во приватниот сектор да има кршење на работничките права, кога во Јавните претпријатија и државни институции, во областа образование и во секторот правда, имаме појава на Прекршување на Правата на Човекот!

„ИЛИНДЕН“ ВО ВАРДАРСКАТА ДОЛИНА

Сè во врска со оваа Блада е Грандиозно, Монументално, Велелепно, особено нивната кавернозност! Авторот е повторно во својата вечна улога на владин буфон-сонувач! Така, освен „грандиозните“ позеленети (од мака) кичфигурини и грдите франкенштајн-квазибарокни антикоградби слепени и набиени во тесниот простор на тешко оштетениот брег на Вардар, сега, повторно (секако, со заслуга на „грандиозната“ ни власт:) пред нас е веќе остварениот проект „Вардар-Суец-Панама“ со кој најпосле се остваруваат стоте чекори на недозреаните инфанти!

БИСЕРНИ ЗАКОНИ

Честа е појавата, кај нас законите да се донесуваат на брза рака! Некој во законодавниот дом спомна како било многу подобро да се донесе било каков закон, одошто, воопшто да не се донесе никаков! Така дојдовме во фаза кога сме преполни со закони кои се нефункционални, противуставни, неприменливи и најчесто двосмислени... 

ПАРАНОЈАТА НА БАБА МИРКА

Ха,ха,ха...! Каков дебакл! Ми претставуваше задоволство да ја гледам дури и репризата во која се распаѓа Миленко, кој, едвај знаеше да состави реченица, обидувајќи се да го оцрни гостинот! Уф! Емисија за паметење!

КАЖЕТЕ И´ НЕ НА БЕДНАТА КОПИЈА!

Постои една заблуда околу прашањето за изборите, актуелно деновиве. Тоа е илузијата дека тие ни се потребни само за да ги решиме проблемите околу две „клучни прашања“, кои постоечкава власт е неспособна да ги надмине. Како круцијални прашања за опстанокот ни се нудат плацебото за подобар живот: решавањето на спорот со Грција околу името и блокадата на членството на земјава во НАТО и во ЕУ, како централни прашања на државната политичка агенда.

ПЛАТА ПО УЧИНОК

Деновиве станува актуелен предлогот за воведување на принципот на „плата според учинок“. Не! Воопшто не сум против неговото воведување! Јас сум против неговата селективна примена и негова важност единствено за лекарите, судиите и за јавната администрација!

ЗА КАЛЕТО, ЦРКВИТЕ, ЏАМИИТЕ...

Европа по смртта
на Карло Велики, 814

„(Од 1081-88 и пак во 1097г.) Скопје го држат Норманите (Викинзите), кои предходно ја завзеле византиската Јужна Италија, од каде се шират на Балкан. Така, Генералот Пунтесиј со 200  оклопници ги зазел најпрво градовите во денешна Јужна Албанија и преку Охрид и Полог стигна во Скопје, кое го држеле од 1081 до 1088 година. Норманите биле познати како производители на многу квалитетно оружје од добар челик.“! 

Ајде да ги повикаме и Викинзите да си го земат и тие својот дел!...

СКАПОЦЕНА ТОАЛЕТНА ХАРТИЈА

Разговарам пред неколку месеци со мојот комшија... „Знаеш, син ми зеде книшка уште пред некоја година...“, започнува тој весело, објаснувајќи ми го патот до ѕвездите. „Јас не сум за ова ВМРО, јас сум за она правото ВМРО!“! „Кое вистинско ВМРО?!“– го прашувам, глумејќи лудило...

НИЕ ЛИ СМЕ НА РЕД?

Не можам да се оттргнам од впечатокот дека се обидуваат да нè уништат! Ја сотреа шумата на Водно! Сè за мрзливите новодојденци за кои е најбитна крајната цел - „Крстот на Водно“! За нив се гради жичарницата! Ним не им се значајни убавините на планината, свежиот воздух, пешачењето... нив им е битно „светското чудо“, „Крстот“! Ги испокасапија дрвјата и во неколку скопски населби, стари биле, предизвикувале алергии! 

СИРОМАШНИ БОГАТ(АШ)И

Велат, тие се грижеле за сиромашните и за социјалните случаи. Говорат, дека се единствената партија која е за народот, за разлика од „однародените“. Грижата за граѓанинот им била примарна мисија.

И ЈАС СУМ А1!

Вчера, во неколку наврати безуспешно се обидував да го оставам мојот коментар за поддршка на вработените во А1! Токму онаму, на нивниот сајт, каде стои насловот „Власта ја затвора А1“! По неколкуте безуспешни обиди, се откажав! Проблем во подесувањето на мојот прегледник, или...?!

Затоа, го поставам својот коментар, наменет за А1, на мојот блог:

ОСМИОТ ПРИНЦ (ХАЧИКО)

Препарираниот Хачико, изложен во
Националниот музеј на науката во Уено

Деновиве прочитав една прекрасна приказна. Се работи за вистински настан, кој овој пат е актуелен и со еден понов филм.

Приказната започнува во Токио во 1924 година, кога професорот на Универзитетот во истоимениот град, Хидесибуро Уено, си зел како милениче (според некои го добил на поклон) еден пес од расата акита, старо околу два до три месеци! Професорот по агрикултура имал околу педесетина години и кученцето го нарекол Хачико (осмиот принц), бидејќи било осмото кученце, по редослед, кое се родило! Хачико, пораснал и станал многу привржан за својот господар.

КАТАЛЕПСИЈА

Можно ли е системот, кој го нарекувавме демократски, да ни се преобразил во најцрна диктатура? Дали Македонија, наместо од социјализам („комунизам“) во капитализам, преминала во некаква, досега невидена, форма на фашизам? Сè ми се чини, ја срушивме сопствената држава (Југославија) во име на рушење на постоечкиот „нехуман“ систем и бришење на границите, а останавме затворени во тор, со нови граници, впишани дури и онаму каде што никогаш ги немало! Системот ни се претвори во беден национал-социјализам продуциран од истите сурати, довчерашни „комунисти“!